Christien Coetzee gaf 27 april 1999 de volgende persverklaring uit

Persverklaring



PERSVERKLARING

Herman van Veen, die internasionaal bekende Nederlandse kabaretkunstenaar, besoek Suid-Afrika binnekort vir die amptlelike opening van die Columbine Geboortekliniek by die Ndluvo Mediese Sentrum in Elandsdoorn, naby Groblersdal op 17 Mei 1999.

Die kliniek is een van die projekte wat onder beskerming van die Herman van Veen Stigting staan en deur die Stichting Columbine gefinansier word.

Tydens die res van sy besoek sal Herman van Veen ontmoetings met uitgewers en verskeie filmprodusente h, om oor toekomstige projekte, o.a. 'n moontlike filmproduksie, in Suid-Afrika te praat. Twee privaat konserte is ook in 'n beplanningstadium. Weens organisatoriese struikelblokke is 'n konserttoer na Suid-Afrika vir Herman van Veen tans uitgesluit.

Die openingsgeleentheid van die Ndluvo Mediese Sentrum en Columbine Geboortekliniek op 17 Mei, sal o.a. bygewoon word deur die premier van Mpumalanga, Matthews Phosa. Besoekers sal die kans gegun word om die reeds voltooide kliniek, omliggende sportgronde, bakkery en dagskool vir kleuters te besigtig. Die geleentheid sal afgesluit word deur 'n kort konsert waarin Herman van Veen en die bekende Nederlandse kitaarspeelster, Edith Leerkes, saam met die Groblersdal Primary School se koor sal optree.

'n Tweede fase van die ontwikkelingprojek, geborg deur die Herman van Veen Stigting, is om 'n kultuursentrum aan te l wat onderdak sal bied aan 'n musiekskool, teater en 'n plaaslike radiostasie. Hier sal kennis en kulturele waardes uitgeruil kan word en geleenthede geskep word om talent te ontwikkel en te ontplooi.

Toekomstige projekte wat tans ondersoek word is die bemarking van Suid-Afrikaanse wyn, ten bate van die Herman van Veen Stigting, in Nederland. Winste sal ten bate van studiebeurse vir minderbevoorregte Suid-Afrikaanse studente aangewend word.

Die Herman van Veen Stigting is in 1997 tydens Herman van Veen se konserttoer in Suid-Afrika deur hom in die lewe geroep. Die Stigting se doelwit is om kinders te help en te lei om hul kreatiewe talente en gawes te ontwikkel en uit te leef.

Die Stigting het vier bronne van inkomste: geld uit die verkope van "Herman van Veen Goods" (t-hemde, truie, pette, renbaadjies en ander artikels) by konserte; opbrengste uit die eksklusiewe verkoop van Alfred Jodokus Kwak handelsware aan die Vroom & Dreesman kettingwinkel in Nederland; finansiele bydraes van die Stichting Columbine, wat projekte op die gebied van gesondheid, opvoeding en werksskepping in ontwikkelingslande en in Nederland organiseer en ondersteun. Die Stigting maak staat op skenkings van individue.